以前畢業其實都係隨街買個畢業公仔，有畢業帽同畢業袍就已經好開心。到現在有朋友畢業，花有人包辦了，我就負責買畢業公仔。先分享一下今次買畢業公仔嘅經驗，再報告一下畢業公仔出沒商店La~
平時冇乜留意邊度有畢業公仔買，但印象中旺角潮流特區有間賣毛公仔嘅舖頭。就喺咁我就開始咗尋找畢業公仔之旅。
經驗分享
一到潮特1/F便見到長長的人龍！勢估唔到原來買畢業公仔也要排長長嘅隊。人太多了，在門口瞄兩瞄時聽到人講樓上仲有另一間，於是便轉戰到樓上。
結果上咗3/F，恰巧冇人排隊終於可以慢慢揀了。真係大開眼介！原來依家買畢業公仔是很講究的：
1. 首先要選擇一個你喜歡的公仔，這個是必須吧XD。可以一提的是公仔大小實在叫人有點難取捨呢。皆因以我選的唇印熊大為例，中和大Size只差一$100。大Size感覺化算一點，但又怕日後難收藏或不便攜帶。中Size單獨存在就覺得冇乜嘢，但與大Size比較時又擔心抱上身影相會否太小。
2. 接著便可以揀畢業袍帶上的顏色。萬想不到老闆真專業！佢攞出一個色版，如果見你猶豫還會問你是什麼大學和學系提供意見。3. 還可加錢刻字，有五種字體可選擇。基本上預設好似係刻在畢業袍帶邊，但你都可以揀客係其他地方好似畢業袍腳或背面。
4. 星期二訂星期六晚就起貨了，難怪 ，近排是旺季，老闆說訂單都很多。如果要再早一點攞貨便要加錢了。
有太多東西要選擇的關係，我最後還是改了天邀請了畢業生一同前往，希望揀到個獨一無二，最喜歡嘅畢業公仔。(溫馨提示：另一個改天買的原因是返轉頭買夜左，結果大排長龍，等了廿分鐘仍然冇郁過，太疲倦回家去了=P。打算去潮特睇嘅朋友仔預鬆一點時間為佳喲，好睇彩數呢~Lol)
買時心急趕住用，行咗旺角幾間就訂咗。買咗之後行街少不免會特別留意到底邊度有畢業公仔買，發現原來不少精品商舖只要你抬頭便找到了，當然大多精品店不會提供襯色帶刻名服務啦。
畢業公仔出沒注意
1. 旺角- 潮流特區1/F ，這間也很多人，近似公仔彷佛較3/F平幾十蚊，有刻字揀色帶，冇問價。
- 潮流特區3/F，申利：我喺呢間訂嘅，唇印熊大中Size$378，包換色帶，刻字加$30一行
- 花園街127A，非訂制普通畢業袍公仔
- 花園街144，非訂制普通畢業袍公仔
- 新之城旺中，兩三間，其中一間有訂制，但潮特款靚一點
3. 淘大商場3/F，有間訂制比較貴，有間非訂制普通畢業袍公仔
雷台 Price x Service x Quality
不說笑，畢業公仔價格可以相差很遠正版翻版，standard，tailor-made...
<Twins Star為例>
- 最平灣仔玩具街$129 - 中規中矩花園街、淘大~$209
- 稱霸淘大訂制$6xx
<唇印熊大>
- 右上潮特1/F $398 大Size ，刻字另計
- 左下新之城旺中 貴一點點
- 右下淘寶cap圖 幾廿蚊
打呢篇其實都係因為本以為買畢業公仔好簡單，點知真係趕住買先發現原來可以好講究，Generation Gap 嗎？XD
不過老土啲講句，心意姐~~~
希望幫到大家
KiSuet <3
